Mbunge wa Geita, Donald Max afariki Dunia.

           

 

 

 

 

 

 

 

 

 

 

 

 

 

 

 

 

SPIKA wa bunge mheshimiwa ANNE MAKINDA ameahirisha kikao cha bunge mpaka kesho saa tatu asubuhi kutokana na msiba wa mbunge wa Geita Mjini DONALD MAX aliyefariki dunia jana jijini Dar-es-salaam.

 

Akiahirisha kikao hicho leo Spika MAKINDA amesema marehemu MAX alilazwa kwa muda mrefu mpaka kifo kilipomkuta jana mchana.

 

Amesema kwa mujibu wa kanuni za bunge zilizopo mwenzao anapotangulia mbele ya haki kunakuwa hakuna kikao cha bunge kwa siku hiyo.

 

Spika MAKINDA amesema kwa sasa bunge linaendelea kuwasiliana na familia kuona taratibu zinavyoendelea lakini kwa taarifa za awali ni kwamba marehemu MAX anatarajiwa kuzikwa siku ya jumamosi jijini Dar-es-salaam.

 

Kifo cha mbunge huyo kimefanya idadi ya wabunge waliofariki katika bunge la 10 kufikia nane.

 

Aidha katika hatua nyingine Katibu wa Umoja wa Wanawake wa Chama cha Mapinduzi(UWT), Amina Makilagi ametoa salamu za rambirambi kufuatia msiba wa mbunge huyo.

 

Akizungumza na waandishi wa habari ofisi kwake mjini dodoam amesema msiba huo ni pengo kubwa kwa  CCM, watanzania, familia yake, wanageita na bunge kwa ujumla.