Watu tisa wamejeruhiwa baada ya gari aina ya Costa kupata ajali na kuanguka Morogoro.

Watu tisa wamejeruhiwa baada ya gari aina ya Costa ikitokea Mzumbe  kuelekea mjini Morogoro kuacha njia na kisha kupinduka katika eneo la Kasanga barabara kuu ya MorogoroIiringa. 

kwa mujibu wa mashuhuda wameeleza tukio lilivyotokea ambapo gari hiyo ilikua na abiria 25 wakitokea Mzumbe kuelekea mjini Morogoro na ghafla gari liliacha njia na kisha kupinduka ambapo majeruhi walikimbizwa katika hospitali ya mkoa wa Morogoro.

Kwa upande wake dereva wa gari hilo John Mahimbo akizungumza  akiwa amelazwa katika hospitali ya rufaa ya mkoa wa Morogoro chini ya ulinzi wa polisi amesema chanzo cha ajali ni gari iligoma usukani na kuacha njia kisha kupinduka huku msaidizi wa matron wa hospitali hiyo Teresia Lebulu amethibitisha kupokea majeruhi tisa lakini katika hao saba wameruhusiwa na waliobaki ni wawili na hali zao zinaendelea vizuri.