TAARIFA YA JESHI LA POLISI MKOA WA MBEYA KWA VYOMBO VYA HABARI TAREHE 25/10/2012. WILAYA YA MBARALI - KUCHOMA NYUMBA MOTO.

MNAMO TAREHE 24.10.2012 MAJIRA YA USIKU HUKO KATIKA KIJIJI CHA MATAMBA WILAYA YA MBARALI MKOA WA MBEYA. WATU WASIOFAHAMIKA WALICHOMA MOTO NYUMBA NDOGONDOGO ZA NYASI ZA FAMILIA NNE TOFAUTI ZILIZOPO KIJIJINI HAPO AMBAZO WAMILIKI WAKE NI 1. ALLY S/O MWAKIBIMBO, MIAKA 35, MSANGU, MKAZI WA KIJIJI CHA ITAMBO. 2. RABAN S/O MWAKIBIMBO, MIAKA 55, MSANGU, MKULIMA MKAZI WA KIJIJI CHA ITAMBOLEO 3. FAISON S/O CHEREHANI, MIAKA 55, MSANGU, MKULIMA MKAZI WA KIJIJI CHA ITAMBOLEO NA 4. ELIEZER S/O MWANGOLE,MIAKA 70,MKULIMA/MJUMBE WA SERIKALI YA MTAA, MSANGU MKAZI WA KIJIJI CHA ITAMBOLEO AMBAYE KADHALIKA ALISHAMBULIWA KWA KUPIGWA MAWE NA FIMBO SEHEMU MBALIMBALI ZA MWILI WAKE NA AMELAZWA HOSPITALI YA MISSION CHIMALA HALI YAKE SIO NZURI .

NYUMBA HIZO ZILITEKETEZWA KWA KUCHOMWA MOTO. THAMANI HALISI YA MALI ILIYOTEKETEA BADO HAIJAFAHAMIKA. CHANZO CHA MATUKIO HAYO NI TUHUMA KUHUSIANA NA IMANI ZA KISHIRIKINA KWANI WANANCHI WALIKUWA WANAWATUHUMU WAHANGA HAO KUWA WACHAWI KIJIJINI HAPO KWA KUFANYA VITENDO VYA KISHIRIKINA MASHAMBANI HASA KIPINDI HIKI CHA KUANDAA MASHAMBA HIVYO KUAMUA KUWAADHIBU ILI KUKOMESHA VITENDO HIVYO .

MSAKO MKALI UNAENDELEA ILI KUWABAINI NA KUWAKAMATA WATU WALIOHUSIKA NA MATUKIO HAYO.KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI ANATOA WITO KWA JAMII KUJIEPUSHA NA IMANI ZA KISHIRIKINA NA KUTOJICHUKULIA SHERIA MKONONI KWANI NI KOSA LA JINAI.PIA ANATOA RAI KWA MTU/WATU WENYE TAARIFA JUU YA WATU WALIOHUSIKA NA TUKIO HILO AZITOE ILI WAKAMATWE.

WILAYA YA KYELA - MAUAJI.

MNAMO TAREHE 24.10.2012 MAJIRA YA SAA 10:00HRS HUKO KATIKA HOSPITALI YA SERIKALI WILAYANI KYELA MKOA WA MBEYA. FELEX S/O ERASTO,MIAKA 42,MKULIMA,MKINGA MKAZI WA KIJIJI CHA ITUNGE ALIFARIKI DUNIA WAKATI AKIENDELEA KUPATIWA MATIBABU HOSPITALINI HAPO BAADA YA KUPIGWA TAREHE 23.10.2012 MAJIRA YA SAA 20:00HRS ENEO LA NDANDALO.

WATUHUMIWA WANNE WAMEKAMATWA AMBAO NI 1.ISRAEL S/O MWALENGE,MIAKA 28,KYUSA,MLINZI WA KIWANDA CHA KUTENGENEZEA SABUNI MKAZI WA NDANDALO, 2.AYUBU S/O MWANKEJE,KYUSA,MIAKA 16,MKULIMA MKAZI WA NDANDALO, 3. ANANIA S/O MWAMASO, MIAKA 17, KYUSA MKAZI WA NDANDALO NA 4. ANDENGENYE S/O AMOS, MIAKA 22, KYUSA, MKULIMA MKAZI WA NDANDALO.

CHANZO CHA TUKIO NI BAADA YA MAREHEMU KUPITA ENEO LA KIWANDA HICHO AKIWA AMELEWA NA MTUHUMIWA ISRAEL S/O MWALENJE KUDHANI NI MWIZI HIVYO KUANZA KUMPIGA KWA KUSHIRIKIANA NA WATUHUMIWA WENZAKE .

TARATIBU ZA KISHERIA ZINAANDALIWA ILI WATUHUMIWA WAFIKISHWE MAHAKAMANI. KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI ANATOA WITO KWA JAMII KUTOJICHUKULIA SHERIA MKONONI KWA KUWADHURU WATU WANAOWADHANIA KUWA NI WAHALIFU BADALA YAKE WAWAKAMATE NA KUWAFIKISHA KATIKA MAMLAKA HUSIKA ILI SHERIA ICHUKUE MKONDO WAKE VINGINEVYO NI KINYUME CHA SHERIA.

WILAYA YA MBARALI - AJALI YA PIKIPIKI KUGONGA GARI NA KUSABABISHA KIFO.


MNAMO TAREHE 24.10.2012 MAJIRA YA SAA 16:00HRS HUKO RUAHA WILAYA YA MBARALI MKOA WA MBEYA. PIKIPIKI T.256 BAQ AINA YA KAWASAKI IKIENDESHWA NA ANDREW S/O MWANGATA ,MIAKA 37,KYUSA MKAZI WA FOREST- MBEYA ILIGONGA KWA NYUMA GARI ISIYOFAHAMIKA NAMBA WALA DEREVA NA KUSABABISHA KIFO CHA MWENDESHA PIKIPIKI HUYO PAPO HAPO . DEREVA WA GARI ALIKIMBIA NA GARI MARA BAADA YA TUKIO.

CHANZO NI MWENDO KASI WA MWENDESHA PIKIPIKI. KAMANDA WA POLISI MKOA WA MBEYA KAMISHNA MSAIDIZI WA POLISI DIWANI ATHUMANI ANATOA WITO KWA MADEREVA WA VYOMBO VYA MOTO KUWA MAKINI WANAPOKUWA BARABARANI NA KUZINGATIA SHERIA ZA USALAMA BARABARANI ILI KUEPUSHA AJALI ZINAZOWEZA KUEPUKIKA.


Signed By,
[ DIWANI ATHUMANI – ACP ]
KAMANDA WA POLISI MKOA WA MBEYA.