LWASYE NEWS: AJALI MBALIZI MBEYA...WATU KUMI WAFARIKI DUNIA

MBUNGE VITI MAALAM MBEYA DR.MARY MWANJELWA AKIWA HOSPITlLI YA FISI BAADA YA KUPATA AJALI MBAYA.

UP DATE YA AJALI MBALIZI MBEYA.. MBUNGE DR.MWANJELWA ANUSURIKA KUFA

HII NDIYO GARI ALIYOKUWEMO MBUNGE MARY MWANJELWA, HAPA NI MBALIZI IKIWA IMETEKETEA KWA MOTO.

· Ajali mbaya yatokea Mbalizi Mbeya

· Katibu wake ateketea kwa moto, ni zaidi ya watu watano

Na, Gordon Kalulunga, Mbeya

MBUNGE wa viti maalum mkoani Mbeya kupitia tiketi ya Chama cha Mapinduzi (CCM) Dr. Mary Mwanjelwa, amenusurika kufa katika ajali mbaya iliyotokea jana eneo la Mbalizi wilaya ya Mbeya Vijijini mkoani hapa baada ya gari lake kugongwa na kuteketea kwa moto.

Ajali hiyo imehusisha magari Manne likiwemo Lori la Mafuta kampuni ya lake Oil lenye namba za usajili T 814 BTC , gari ndogo ya abiria (Hiace) yenye namba za usajili T 299 BCE na gari ya Mbunge huyo Mary Mwanjelwa Toyota Hilux T 671 ABM

Watu zaidi ya saba walifariki papo hapo huku wengine miili yao ikiwa imeteketea vibaya kwa mota baada ya gari hizo kugongana kisha kulipuka.

Mashuhuda wa ajali hiyo wakiwemo majeruhi, walisema Petro Tank iliyokuwa imebeba mafuta, iliferi breck katika mteremko wa Mlima Iwambi kisha kuliparamia Lori lingine na kuigonga gari ya Mbunge Mwanjelwa kisha kuvaana uso kwa uso na gari ya abiria iliyokuwa ikitokea eneo la Mbalizi.

kalulunga blog kilishuhudia mtu aliyeongoza uokojai ambapo alikuwa ni Koplo Mathias Joachim wa Kikosi cha Jeshi la Wananchi wa Tanzania 44 KJ Mbalizi Mbeya Karume Camp.

Mkuu wa Mkoa wa Mbeya Abbas Kandoro alifika eneo la tukio na ametoa pole kwa wafiwa kisha ameelekea Hospitali ya Ifisi Mbalizi kwa ajili ya kuwajulia hali majeruhi akiwemo Mbunge huyo.

Mbunge Mary Mwanjelwa, akiwa Hospitalini hapo alimshukuru Mungu kwa kumnusuru kisha akauliza kama dereva wake anayejulikana kwa jina la Rajab na katibu wake Muhtasi Amina ambapo aliambiwa kuwa wapo Hospitali ya Rufaa ya Mbeya.

Dereva wake Mr. Rajabu ambaye alipelekwa katika Hospitali hiyo ya Ifisi, ameumia vibaya kichwani na miguu yote miwili huku katibu wa Mbunge huyo imesemekana kuwa amekufa kwa kuteketea kwa moto ndani ya gari hiyo.

Kati ya zaidi ya watu saba ambao wamefariki katika ajali hiyo yumo askari Polisi wa kituo kidogo cha Mbalizi aliyetajwa kwa jina la PC Samson.

Kikosi kazi cha mtandao huu wa kalulunga.blogspot.com kinatoa pole kwa wafiwa wote na Mungu awasaidie majeruhi wapone haraka kwa ajili ya kuendelea kulijenga Taifa letu la Tanzania.