Wabunge wazidi kuchambua bajeti ya 2015/16 nakupendekeza maboresho.

Baadhi ya wabunge wameitaka serikali kutoa ufafanuzi baada kutenga kiasi kidogo cha shilingi trilioni 5 kwa ajili ya miradi ya maendeleo huku trilioni 16 zikiwa zimetengwa kwa ajili ya matumizi ya ofisi ikiwemo vitafunwa wakati kunachangamoto nyingine zinazoikabili nchni ikiwemo tatizo la maji, mikopo ya elimu ya juu pamoja na miundombimu ya barabara katika baadhi ya maeneo.

Wakichangia mjadala wa bajeti kwa mwaka wa fedha 2015/16 mbunge wa viti maalum Pauline Gekul amesema haiwezekani, serikali kutenga trilioni 16 kwa ajili ya matumizi ya ofisi, huku inapunguza bajeti ya wizara ya maji, ambapo mbune wa kinondoni Mhe. Idd Azzani akihoji serikali kutenga bilioni 70 kwa ajili ya safari huku baadhi ya wanafunzi wanaotakiwa JKT wamekwama kutokana na ukosefu wa fedha zisizozidi shilingi bilioni 10. 

 

Wakati huohuo baadhi ya wabunge wameendelea kupinga hatua ya serikali kupandisha tozo kwenye mafuta ya taa ili kuongeza fedha zitakazosaidia kusambaza umeme vijini kwamadao kutaendelea kuwaumiza wananchi wa hali ya chini, na kuwataka kuangalia uwezekano wa kutafuta mapato kwenye mitandao ya siku za mkononi, huku wengine wakisisitiza kuangalia uwezekano wa kuongeza kodi kwenye vinywaji ikiwemo bia ili kupata fedha zitakazosaidia miradi ya maendeleo ikiwemo ya maji. 

 

Aidha bunge linatarajia kuhitimisha mjadala kuhusu bajeti ya serikali juni 23 mwaka huu ambapo serikali itatoa ufafanuzi wa hoja zilizotolewa na wabunge kwa takribani siku saba za mjadala kabla ya kupitishwa kwa bajeti ya mwaka 2015/16 ya jumla ya shilingi trillioni 22.495.2 ambapo kati ya fedha hizo shilingi trillioni 16 zimepangwa kutumika katika shughuli za ofisi na trillioni 5 kutumia katika miradi ya maendeleo.