Monday, September 1, 2014

LEO NI SIKU YA KUMBUKUMBU YA KIFO CHA DAUDI MWANGOSI








Msigwa atoa mifuko 100 Kata ya Nduli kwa ajili ya ujenzi wa shule ya Sekondar

Hii ndiyo Mifuko 100 iliyotolewa na Mbunge wa Iringa mjini Mch Peter Simon Msigwa
Mbunge wa Iringa mjini Mch Peter Simon Msigwa akizungumza na wakazi wa Nduli kabla ya kukabidhi mifuko 100 ya saruji


Na Mathias Canal, kwanza jamii-Iringa
Mbunge wa Iringa Mjini Mch Peter Simon Msigwa ametoa mifuko 100 ya Saruji kumalizia shule ya Sekondari Nduli ili kupunguza usumbufu mkubwa wanaoupata wananchi wa Kata hiyo kwani wanafunzi wamekuwa wakiteseka kusoma mbali na kijiji hicho.
Amesema kuwa tofauti za kisiasa kati yake na Diwani wa Kata hiyo zimemalizika badala yake ni muda wa kufanya shughuli za maendeleo.
Ameongeza kuwa waliosababisha kuchelewa kufika kwa fedha za mfuko ni wananchi wenyewe hivyo sio sehemu ya yeye kulaumiwa.
Akizungumzia kuhusu mifuko 100 iliyopelekwa kijijini hapo kabla ya leo kutoa mifuko hiyo, Msigwa amesema kuwa Chama cha Mapinduzi CCM kilitoa mifuko 100 ya Saruji baada ya kusikia kuwa anataraji kutoa Saruji hivyo wakaamini kwamba wamemzima kiutendaji kumbe wamewasaidia wananchi na sio kumkomoa yeye.
Hata hivyo wakazi wa kijiji hicho waliojitokeza wamesema kuwa hawatambui kuletwa mifuko 100 na CCM na kuhoji kama kweli imeletwa wafahamishwe mahali ilipo wasipo onyeshwa itakuwa ni kiini macho.
Msigwa amefikia uamuzi wa kuwapatia wananchi hao mifuko 100 baada ya kupata taarifa kwamba wananchi wanatakiwa kuchangia mifuko 15 aliamua kusitisha zoezi hilo la kuchangishana wananchi badala yake kuamua kutoa ili kutowakandamiza wapiga kura ambao ni hazina ya mwaka 2015.

KYELA YAANZA KUKAMATA WANAFUNZI WATORO‏


Mwenyekiti wa Halmashauri ya Wilaya ya Kyela, Gabriel Kipija, akizungumza na Mbeya yetu kuhusu mikakati ya kuongeza ufaulu kwa Wilaya hiyo.
 Wanafunzi wakiwa Darasani 
 Mmoja wa wanafunzi Livingstone Msusi akielezea jambo kuhusiana na mkakati huo
 Mmoja wa wanafunzi Salome Mwaiposa akielezea jambo kuhusiana na mkakati wa ufauru ulioanzishwa na Wilaya ya Kyela
 Wanafunzi wakiwa Darasani

 Hawa ni Baadhi ya wanafunzi watoro wakiwa wamekamatwa hapa wakipandishwa katika Gari
Huyu ni moja ya wanafunzi watoro, hapa alikuwa amekamatwa amevaa nguo Tano ndani kukwepa viboko, na katika picha hii anaonekana ameshikiria nguo tatu ambazo anazionesha baada ya kuzivua huku zengine akiwa bado amevaa
 Wanafunzi hao wakiwa tayari katika Gari hilo
 Wanafunzi wakisikiliza Mkutano
Wanafunzi wakiwa katika Kituo cha Polisi Kyela

KATIKA kuhakikisha elimu inapewa kipaumbele na kuongeza ufaulu kwa Wanafunzi Wilaya ya Kyela mkoani Mbeya,Halmashauri hiyo imeanzisha mkakati maalumu wa kuwakamata watoto watoro.
Hayo yalibainishwa juzi na Mwenyekiti wa Halmashauri ya Wilaya ya Kyela, Gabriel Kipija, alipokuwa akizungumza na Mbeya yetu kuhusu mikakati ya kuongeza ufaulu kwa Wilaya hiyo.
Kipija alisema hali ya utoro kwa wanafunzi ilikithiri sana kwa kutohudhuria masomo na kuzurura ovyo mitaani jambo lililopelekea Halmashauri hiyo kushika nafasi ya mwisho kimkoa katika matokeo ya hivi karibuni ya kidato cha Nne.
Alisema katika Operesheni iliyofanyika wiki mbili zilizopita ikiongozwa na Mkuu wa Wilaya ya Kyela, Magreth  Malenga, yeye mwenyewe na Mkurugenzi wa Halmashauri walifanikiwa kuwakamata wanafunzi 500 wa shule za Sekondari ndani ya siku moja.
Alisema katika siku hiyo Wanafunzi wa shule mbali mbali za Sekondari Kyela Mjini walikamatwa kwa uzururaji wengi wao wakiwa kwenye sare za shule lakini hawakuhudhuria masomo na kuwafikisha kituo cha polisi kwa kosa la utovu wa nidhamu.
Alisema kitendo cha kuwafikisha polisi wanafunzi hao kimeibua mwamko mkubwa wa wanafunzi kuhudhuria masomo darasani pamoja na kuwahi ambapo hivi sasa hakuna mwanafunzi anayeonekana barabarani kuanzia saa moja asubuhi tofauti na awali.
Baadhi ya Wanafunzi wa Shule ya Sekondari Keifo iliyopo Wilayani Kyela ambao walikumbwa na mkasa huo, mbali na kukiri kufanya vitendo hivyo tofauti na matarajio ya wazazi pia walipongeza kitendo cha Halmashauri cha kuwakamata na kuwapeleka Polisi.
Livingstone Msusi(15) mwanafunzi wa kidato cha Kwanza Keifo Sekondari alisema yeye binafsi alikumbwa na kamata kamata hiyo lakini hivi sasa amejirekebisha na kuwa wa kwanza kuwahi shule tofauti na awali ambapo alikuwa hafiki kabisa.
Salome Mwaiposa(14) alisema tangu operesheni hiyo ifanyike amekuwa na maendeleo mazuri darasani kutokana na kuhudhuria vipindi vyote na kwa wakati unaostahili.
Aidha baadhi ya wanafunzi waliwatupia lawama wazazi kwa kutofuatilia maendeleo ya watoto wao mashuleni ikiwa ni pamoja na kuwahimiza kwenda shule jambo lililochangia kuongezeka kwa utoro na kujiingiza katika shughuli hatarishi mitaani.

Walisema ili kukomesha kabisa utoro wa wanafunzi mashuleni ni bora wazazi wakatoa ushirikiaono kwa Serikali kwa kutoa taarifa endapo wanakuwa na watoto ambao husumbua kusoma na kuwaletea kesi wazazi kutokana na kujiingiza katika magenge ya uhalifu.

Thursday, August 28, 2014

WAZEE KYELA WAMTAKA MWANYAMAKI KURITHI MIKOBA YA DR,MWAKYEMBE






BAADHI ya wazee kutoka tarafa za unyakyusa na ntebela wilayani Kyela mkoani Mbeya wamemtaka mwenyekiti mtendaji wa asasi ya pambana saidia jamii wilayani humo Abraham Mwanyamaki kujipanga kuchukua mikoba ya mbunge wa jimbo hilo Dr,Harrison Mwakyeme 2015.

Wazee hao walitoa kauli hiyo mwishoni mwa wiki wakati mwenyekiti huyo alipokuwa akitoa misaada ya kijamii katika tarafa hizo kama moja ya kutimiza maombi ya misaada aliyoombwa na wananchi kwa ajili ya kuondokana na changamoto zinazowakabili.

Jakson Mwakanyamale mkazi wa Ntebela alisema kuwa mwenyekiti huyo amesaidia mambo mengi hasa sekta ya elimu,afya,kilimo na kuviwezesha vikundi vya wajasilia mali na kuwa wao kama wazee wa Kyela wanamuhitaji ili awe muwakirishi wao.

Mwakanyamale alisema kuwa wilaya ya Kyela ina wasomi wengi ambao wananyadhfa kubwa serikalini na kwenye sekta binafsi lakini wamekosa uzalendo wakulisaidia jimbo hilo ambalo limekuwa likipoteza sifa siku hadi siku kutokana na kuwa na matatizo lukuki yasiyo tatulika.

Evansi Mwakalyobi mkazi wa Unyakyusa alisema kuwa kazi za kuondoa changamoto za wilaya hiyo zilitakiwa zifanywe na mbunge lakini mbunge wao amewasaliti hivyo wanamuhitaji mwenyekiti huyo kwa kuwa tayari amefanya mambo makubwa na jamii inamtambua.

Alisema kuwa wananchi wanaoingia katika wilaya hiyo wakitokea mikoani wanashikwa na butwaa wanapoliona jimbo hilo likiwa choka mbaya ukilinganisha na jinsi Kyela ilivyo na wasomi wengi ambao wengine wanasifika kwa uchapa kazi lakini wanakotoka kupo hoi.

Mwenyekiti mtendaji wa asasi hiyo Abraham Mwanyamaki ambaye pia ni mjumbe wa mkutano mkuu Taifa na mlezi wa Chadema wilayani humo alipoulizwa kuhusu suala hilo alisema kama chama chake kitampa ridhaa atafanya hivyo.

Alisema kuwa amekuwa akiulizwa na watu wa kada mbalimbali kuhusu kugombea ubunge katika jimbo hilo pindi anapofanya kazi za kijamii kupitia asasi wakitaka agombee lakini hakuweza kujibu na kuwa kama wazee na wananchi kwa ujumla wataona anafaa basi hata kuwa na kinyongo.

Wilaya ya Kyela ni moja ya wilaya katika mkoa wa mbeya inayosifika kwa kuwa na vyanzo vingi vya mapato kama zao la kakao,mpunga,mawese na vinginevyo ambavyo vinaingiza pato kubwa huku miradi ya maendeleo ikisuasua mengine ikijengwa chini ya kiwango kutokana na kukosa wasimamizi makini.

MTI MKUBWA WA MASOKO NA MAAJABU YAKE.


Baraka akiwa anapima mti huu na hapa ndipo tulipoanzia kupima.
kufika hapa kipimio chetu kikawa kimeisha ambapo kina futi 16, kisha kupima tena kwa kuanzia hapo.
Tukaanza tena mzunguko mwingine ambao nao uliisha.
Sehemu ya chini ya mti ambayo ukigonga imekuwa ngumi mithiri ya jiwe.
Muonekano wa mti kwa mbali.

Mti huu ni aina ya Mvule na unapatikana masoko katika wilaya ya rungwe, mti huu ni mkubwa kiasi kwamba ili kuweza kuuzunguka wote unahitaji watu kuanzia nane waliounganisha mikono. ukiupima una futi 39 katika kimo cha juu kidogo lakini una futi 43 chini kabisa. Bwana Mwambuga anasema mti huu ni wa kale sana kiasi kwamba hawakumbuki hasa ni wa miaka gani lakini walioweza kutunza angalau historia ni kuanzia karne ya 13 lakini nao waliukuta ukiwa mkubwa sana

Mnamo mwaka 1975 mti huu kwa mara ya kwanza ulidondosha tawi lake moja ambalo hata ukifika inaonyesha maana pana onekana ni wapi hasa lilikuwepo na inasemekana lilipoanguka ilikuwa kama tetemeko la ardhi kutokana na kishindo kilichotetemesha kijiji kile na vijiji jirani.

Katika tawi la kwanza kuna sehemu ya mti huu kutokana na kuwa njia ya kutolea maji ule utomvu wake wa muda mrefu umejikusanya na umefanya umbo lenye muonekano wa pembe hivyo wenyeji huita eneo lile LUPEMBE, sehemu hiyo yanadondoka maji tone moja moja kama yadondokavyo katika dripu na rangi ya maji hayo ni mekundu kiasi kwamba baadhi ya watu huamini kuwa ni damu iliyotumika kama mazindiko hapo zamani. lakini mwenyeji anasema kuanzia karne hiyo ya 13 wanavyoelezwa hakukuwa na matambiko yoyote labda kabla ya karne hiyo, na asilimia kubwa ya matawi ya mti huu yana nyuki,karibu utembelee maeneo haya uweze kujifunza mengi
Karibu Tanzania, Karibu Rungwe, Karibu Mbeya Tanzania