Mh Membe atangaza kuwania urais kupitia CCM akitoa kipaumbele kwa uchumi wa viwanda.

Waziri wa mambo ya nje na ushirikiano wa kimataifa Bernard Membe ametangaza nia ya kuwania nafasi ya urais wa serikali ya awamu ya 5, huku akisema ikiwa akipata ridhaa ya watanzania kwenye uchaguzi mkuu ujao kipaumbele chake kitakuwa kuboresha kilimo na viwanda, usalama wa raia, afya, elimu na kushirikiana na sekta binafsi katika kukuza uchumi wa taifa.

Akitangaza nia hiyo mjini Lindi Mheshimiwa Membe amesema amejipima na kujiona ana uwezo wa kuitumikia nafasi hiyo ya urais kwa kuwa ana elimu nzuri na uzoefu wa kazi katika serikali na chama ukulinganisha na wagombea wengine wanaowania nafasi hiyo ndani ya CCM. 

 

Aidha mbali na kuahidi serikali yake itahakikisha huduma za afya zinawafuata wananchi badala ya ilivyo sasa wananchi kuifuata huduma hizo, amesema ataipeleka nchi hii kwenye uchumi wa viwanda utakaobeba kilimo kutokana na ugunduzi wa gesi nchini. 

 

Akizungumzia usalama wa taifa, Mheshimiwa Membe amesema akabiliana kikamilifu na maovu katika jamii ikiwemo mauaji ya watu wenye ulemavu wa ngozi albino, tishio la ugaidi, madawa ya kulevya na ujambazi na kutuma salama kwa wanaojihusishja na vitendo hivyo, kuacha mara moja kabla yeye hajaingia madarakani.