Mh Januari Makamba atangaza nia ya kuwania urais kupitia chama cha CCM

Naibu waziri wa mawasiliano sayansi na teknolojia Mh Januari Makamba amewaahidi watanzania kuwa atafumua mfumo mzima wa utawala, serikali na watumishi wa umma ili kuongeza kasi ya uwajibikaji pamoja na kubana matumizi kwa kuwa na mawaziri 18 tu.

Mh Makamba ametoa ahadi hiyo jijini Dar es Salaam alipokuwa anatangaza nia ya kuwania urais ambapo mbali na kuelezea vipaumbele vyake endapo atapata ridhaa amesema suala la elimu atalipa kipaumbele kwa kuanzisha mfuko maalum kwa ajili ya kugharamia elimu ya juu.

 

Kuhusu suala la rushwa Mh Makamba amesema endapo atapata ridhaa atajenga jamii inayochukia rushwa na kesi zote zitaendeshwa kwa uwazi na hatakuwa na kigugumizi katika kupambana na rushwa na kwamba viongozi wa dini wana nafasi kubwa  kujenga jamii katika misingi ya maadili mema.

 

Mh Makamba amesema suala la miundombinu atahakikisha wilaya zote zinaunganishwa kwa barabara bora na atafufua reli ya Tanga hadi Arusha ambayo itaunganisha hadi Musoma, na kuhusu ukusanyaji wa kodi serikali yake itapunguza kiwango cha kodi kwa mwaka kwa mfanyabiashara ndogondogo ili kupunguza idadi ya wakwepa kodi.