LWASYE NEWS

JAMHURI YA MUUNGANO WA TANZANIA

WIZARA YA MAMBO YA NDANI YA NCHI

                                                 JESHI LA POLISI TANZANIA

 

RPC.                                                                                                  Ofisi ya Kamanda wa Polisi,                                                                                                                                                                                                                                                                                                  Mkoa wa Mbeya,                                                                                    

Namba ya simu 2502572                                                                                            S. L. P. 260,

Fax - +255252503734                                                                                                     MBEYA.

E-mail:-  rpc.mbeya@tpf.go.tz                                                                      

   tanpol.mbeya@gmail.com

TAARIFA YA JESHI LA POLISI MKOA WA MBEYA KWA VYOMBO VYA HABARI “PRESS RELEASE” TAREHE 09.07.2015.

·         MTU MMOJA AUAWA NA WATU WASIOFAHAMIKA NA KISHA MWILI WAKE KUTUPWA.

·         MTEMBEA KWA MIGUU AFARIKI DUNIA BAADA YA KUGONGWA NA GARI.

·         WATU WANAOSADIKIWA KUWA MAJAMBAZI WAVAMIA NA KUJERUHI MAPADRI 3 NA MAPADRI WANAFUNZI 03 NA KISHA KUPORA MALI.

·       JESHI LA POLISI MKOA WA MBEYA LINAMSHIKILIA MTU MMOJA MKAZI WA KAFUNDO – IPINDA AKIWA NA BHANG

KATIKA TUKIO LA KWANZA:

MTU MMOJA MKAZI WA IDENDELUKA WILAYANI CHUNYA ALIYEFAHAMIKA KWA JINA LA MICHAEL JAILOS (29) ALIKUTWA AMEUAWA KWA KUPIGWA RUNGU KICHWANI NA MTU/WATU WASIOFAHAMIKA NA KISHA MWILI WAKE KUTUPWA JIRANI NA SHULE YA MSINGI IDENDELUKA.

MWILI WA MAREHEMU ULIKUTWA JIRANI NA SHULE HIYO MNAMO TAREHE 08.07.2015 MAJIRA YA SAA 09:30 ASUBUHI HUKO KATIKA KITONGOJI CHA IDENDELUKA, KIJIJI/KATA YA SANGAMBI, TARAFA YA KIWANJA, WILAYA YA CHUNYA, MKOA WA MBEYA.

INADAIWA KUWA CHANZO CHA TUKIO HILO NI WIVU WA KIMAPENZI.  UPELELEZI UNAENDELEA ILI KUWABAINI/KUWAKAMATA WAHUSIKA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MTU/WATU WALIOHUSIKA KWENYE TUKIO HILO AZITOE KWENYE MAMLAKA HUSIKA KWA HATUA ZAIDI ZA KISHERIA.

KATIKA TUKIO LA PILI:

MTEMBEA KWA MIGUU ALIYETAMBULIKA KWA JINA LA TATU WILSON (30) MKAZI WA IMEZU AMEFARIKI DUNIA MUDA MFUPI BAADA YA KUFIKISHWA HOSPITALI YA RUFAA MBEYA KWA MATIBABU BAADA YA KUGONGWA NA GARI ISIYOFAHAMIKA.

AJALI HIYO IMETOKEA MNAMO TAREHE 08.07.2015 MAJIRA YA SAA 20:07 USIKU HUKO KATIKA KIJIJI CHA DARAJANI-IMEZU, KATA YA INYALA, TARAFA YA TEMBELA, WILAYA YA MBEYA VIJIJINI, MKOA WA MBEYA KATIKA BARABARA KUU YA MBEYA/NJOMBE. DEREVA ALIKIMBIA NA GARI BAADA YA TUKIO. UPELELEZI NA JITIHADA ZA KUMTAFUTA DEREVA ZINAENDELEA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MAHALI ALIPO DEREVA ALIYEHUSIKA KWENYE TUKIO HILI AZITOE KATIKA MAMLAKA HUSIKA ILI AKAMATWE NA HATUA ZA SHERIA ZICHUKULIWE DHIDI YAKE.

  

KATIKA TUKIO LA TATU:

WATU WANAOSADIKIWA KUWA NI MAJAMBAZI WAVAMIA NA KUJERUHI NA KISHA KUPORA MALI MBALIMBALI BAADA YA KUWEKA KIZUIZI CHA MAWE/MAGOGO KATIKA BARABARA YA MBALIZI/MKWAJUNI.

TUKIO HILO LIMETOKEA USIKU WA KUAMKIA LEO MAJIRA YA SAA 02:00 HUKO ENEO LA MSITU WA MLIMA MSANGAMWELU, KIJIJI CHA MJELE, KATA YA MSHEWE, TARAFA YA USONGWE, WILAYA YA MBEYA VIJIJINI, MKOA WA MBEYA BAADA YA WATU WASIOFAHAMIKA WANAOSADIKIWA KUWA MAJAMBAZI KULIWEKEA VIZUIZI GARI LENYE NAMBA ZA USAJILI SM 3496 AINA YA TOYOTA LAND CRUISER MALI YA HOSPITALI YA MWAMBANI CHUNYA LILILOKUWA LIKIENDESHWA NA DEREVA LOVED MWANDONGO (53) MKAZI WA MKWAJUNI.

GARI HIYO ILIKUWA IMEBEBA MAPADRI WATATU NA MAPADRI WATATU WANAFUNZI AMBAO NI 1. FURAHA HENJEWELE (36) PADRI MWANAFUNZI, MKAZI WA MBEYA ALIPIGWA FIMBO KICHWANI NA KUKATWA PANGA MKONO WA KULIA 2. PADRI GASPER MWASHIMWANGA (37) MKAZI WA MPUGUSO – TUKUYU ALIPIGWA FIMBO MWILINI 3. HENRY MWALYANGA (33) PADRI MWANAFUNZI, MKAZI WA MBEYA ALIPIGWA FIMBO MWILINI 4. ELIAKIM KASEGILA (27) PADRI MWANAFUNZI, MKAZI WA PERAMIHO ALIJERUHIWA MWILINI 5. PADRI BONIFASI CHALO (46) MKAZI WA MWANJELWA ALIJERUHIWA KWA FIMBO MWILINI 6. EXAVERY MWAFUMBO (28) PADRI MWANAFUNZI, MKAZI WA MWANJELWA NA 7. DEREVA MWENYEWE LOVED MWANDONGO (53) ALIPIGWA FIMBO MWILINI. 

AIDHA KATIKA TUKIO HILO WAHANGA HAO AMBAO WALIKUWA WANAKWENDA GALULA KUHUDHURIA SHEREHE YA UPADRISHO, WALIPORWA PESA TASLIMU AMBAZO BADO KUFAHAMIKA KIASI GANI, MABEGI YA NGUO MBALIMBALI, ZAWADI ZA WAUMINI,  SIMU ZA MIKONONI PAMOJA NA MAJOHO.  WAHANGA WAMEPATIWA MATIBABU NA KURUHUSIWA.

MSAKO MKALI UNAENDELEA ILI KUWABAINI WALIOHUSIKA KATIKA TUKIO HILI ILI WAKAMATWE NA HATUA ZA KISHERIA ZICHUKULIWE DHIDI YAO.

TAARIFA ZA MISAKO:

JESHI LA POLISI MKOA WA MBEYA LINAMSHIKILIA MTU MMOJA MKAZI WA KAFUNDO-IPINDA WILAYANI KYELA ALIYEFAHAMIKA KWA JINA LA GABRIEL MWAKALEBELA (26) AKIWA NA BHANGI UZITO WA GRAM 250.

MTUHUMIWA ALIKAMATWA MNAMO TAREHE 08.07.2015 MAJIRA YA SAA 06:00 ASUBUHI HUKO IPINDA, KATA YA IPINDA, TARAFA YA NTEBELA, WILAYA YA KYELA, MKOA WA MBEYA.

Imesainiwa na:

[AHMED Z. MSANGI – SACP]

KAMANDA WA POLISI MKOA WA MBEYA.