Mvutano wa wakulima na wafugaji umeibuka mahakamani baada ya kufuta cheti cha kijiji cha wafugaji,Morogoro.

Kufuatia mgogoro wa wakulima na wafugaji uliodumu kwa zaidi ya miaka kumi wilayani Mvomero mkoani Morogoro mahakama ya ardhi wilaya ya Morogoro imefuta cheti cha usajili wa kijiji cha wafugaji  kambala hukumu iliosababisha mvutano mkubwa kati  ya wakulima na wafugaji ambapo askari wa jeshi la polisi walilazimika kuimarisha ulinzi katika mahakama ya ardhi.

Wakulima na wafugaji wamefurika katika mahakama ya ardhi nyumba na maendeleo ya makazi mjini Morogoro wakisubiri kusomwa kwa hukumu ambapo akisoma hukumu hiyo mwenyekiti kiongozi wa baraza  la ardhi Evelon Muhava kutoka wilaya ya Dodoma amesema amelazimika kutoa hukumu kutokana na kukamilika kwa ushahidi wa upande wa madai ya kijiji cha wafugaji cha kambala na upande wa wadaiwa wakulima wa vijiji vya heberi ihombo lukindo na wakulima wengine kutoka nje ya vijiji hivyo   ambapo amesema  ili kumaliza mgogoro huo amefuta hati  cheti cha usajili wa kijiji cha kambala iliotolewa mwaka 2013 ambapo amesema imeonyesha kunamkanganyiko kutoka na hati 1988 ya kijiji kuonyesha ukubwa wa kijiji ni hekta 16,104 wakati cheti kinaonyesha ukubwa wa kijiji ni hekta 48.65. 

 

Aidha Muhava ameagiza mamlaka za ardhi na nyumba kuhakiki upya mipaka ya kijiji cha kambala sambamba na kuanza kupima eneo lote la bonde la mgongola kwa kushirikisha vijiji jirani vikiwemo vya Hembeti, Dihombo, Mkindo na Kambala pamoja na kuweka bikon za kudumu katika mipaka hiyo. 

 

Wakizungumza nje ya mahakama hiyo wakulima wa ambao ndio wadaiwa katika hukumu hiyo wamesema licha ya mahakama kutoa hukumu kwa kuzingatia misingi ya haki lakini wameiomba serikali kuimalisha ulinzi katika maeneo hayo wakati mamlaka zikitekeleza agizo la mahakama. 

 

Kwa upande wao wafugaji ambao ndio wadai katika shauri hilo wamesema hawakuelewa kabisa jinsi hukumu ilivyotolewa huku kwani mahakama imetoa hukumu ya mipaka na si hukumu ya mgogoro.