Uandikishwaji Daftari la wapiga kura kwa mfumo wa BVR Morogoro kizungumkuti.

Wakazi wa mtaa wa Ngazengwa kata ya mafiga mkoani Morogoro wamelazimika kutumia kituo kingine cha uandikishaji  kwenye daftari la kudumu la wapiga kura kwa mfumo wa Kielektroniki BVR kutokana na kukosekana mawasiliano na kituo chao walichokuwa wamepangiwa awali.

Hali hiyo imejitokeza baada ya mwenyekiti wa mtaa wa Ngazengwa kudiwa kutokuwa na mawasiliano na watu wa tume ya uchaguzi hali iliyosababisha aelekeze wananchi kituo kisicho sahhii huku idadi kubwa ya wananchi wakifika kituoni hapo tangu majira ya alfajiri hadi mchana bila kukutana na watoa huduma wa BVR  na  kulalamikia wahusika wa tume ya uchaguzi kushindwa kutoa vifaa vya kutosha pamoja na mwenyekiti wao kukwamisha shughuli za zoezi hilo.

 

Kutokana na hali hiyo, katibu mwenezi wa kata ya mafiga,Sabry Ally amesema alilazimika kuwatafuta wahusika wa BVR sambamba na mkurugenzi wa manispaa ya morogoro ili kushughulikia swala hilo na kwamba hatimaye baadaye zoezi hilo liliendelea kama kawaida.