Hali ya upatikanaji wa nishati ya mafuta sasa yaanza kuimarika.

Hatimaye vituo mbalimbali vya kuuza mafuta vimeanza kutoa huduma hiyo baada ya kile kilichodaiwa ni mgoma baridi kumalizika huku bei mpya ikitawala katika vituo vyote huku wananchi wakilalama juu ya bei hiyo mpya.

Tofauti na siku takribani tano zilizokuwa ni tete hasa kwa watumiaji wa nishati ya mafuta kutokana na kile kinachodaiwa ni mgomo baridi kwa makampuni makubwa ya mafuta kubana kutoa huduma hiyo kwa kusubiri ujio wa bei mpya katika siku ya kwanza ya mwaka mpya wa serikali, hatimaye bei mpya iliyowafanya vigogo hao wa uuzaji wa mafuta nchini kubana nishati hiyo, sasa imewalazimu kuanza kutoa huduma hiyo huku ikiwa na ongezeko kubwa la fedha jambo ambalo linatajwa kuwa lianweza kuathiri shughuli za usafiri hasa kwa wananchi wa kipato cha chini.

 

Wakati Tanzania ikitajwa kuwa miongoni mwa nchi zinazoendelea ambapo pia zinakiwango kikubwa cha matumizi ya mafuta ya Petrol kwa siku ambayo ni sawa na zaidi ya lita za ujazo milioni mbili na nusu kuanza kwa bei hii mpya ya mafuta inatajwa kuwa na mafuaa kwa upande mmoja tu wa shilingi.