Mkuu wa wilaya ya misenyi ameapa kula sahani moja na walimu wanao wafukuza wanafunzi wenye ulemavu wa ngozi (Albinism)

Mkuu wa wilaya ya misenyi FADHILI NKURLU ametoa onyo la mwisho kwa walimu wanao jaribu kuwafukuza wanafunzi  nwenye ulemavu wa ngozi albino  kwa kudai michango ya shule  bila utaratibu maalumu.

Kauli hiyo imetolewa na mkuu wa wilaya ya misenyi FADHILI NKURLU  katika hafla ya kupata  chakula cha mchana na watu wenye ulemavu wa ngozi albino wilayani misenyi ambapo amesema mwalimu atakae thubutu kumfukuza mtoto  mwenye ulemavu waongozi albino au mtoto wa mtu mwenye ulemavu kwa kumdai gharama yoyote shuleni atachukuliwa hatuka akali za kisheria.

 

Mapema akiongea katika hafla hiyo mwenyekiti wa chama cha albino  mkoa wa kagera BUCHARD EMMANUELI ameeleza changamoto na misukosuko ambayo wamekuwa wakikabiliana nayo  kwa kuhofia kuwawa  huku akiomba serika kuwapatia gharama za usafili ili waweze kufika katika mkutano  mkuu wa kimataifa wa siku ya albino duniani utakao fanyika jijini Arusha  kwaanzia tarehe tisa mwezi wa sita na kuhakikisha ulinzi unaimarisha ili waweze kuishi kwa amani kama watu wengine. 

 

Katika hafla hiyo  watu wote wenye ulemavu wa ngozi albino wa wilaya ya misenyi walipatiwa  bima za afya kwaajili ya kupata matiba bure bila gharama yoyote pamoja na simu za mkononi kwaajili ya kutoa taarifa kwenye  mamlaka husika pindi watakapo kuwa wana  watilia mashaka watu wasiowema wanaotaka kuhatarisha maisha yao.